Un peu de lecture...

Rabelais se serait inspiré en partie de son enfance et d'histoires plus anciennes pour écrire les aventures de Grangousier époux de Gargamelle, Gargantua époux de Badebec et de leur petit-fils et fils Pantagruel, grands buveurs et mangeurs devant l'éternité, sans oublier leur intérêt dévorant pour le monde et les hommes.

Mais ils ne sont pas des ogres, juste des géants...

De l'adolescence de Gargantua. (Ne cherchez pas à traduire, laissez-vous porter par les mots...)

Cha. x.

Gargantua depuys les troys iusques à cinq ans feut nourry et institué en toute discipline convenente par le commandement de son père, et celluy son temps passa comme les petitz enfans du pais, c'est assavoir à boyre/ manger/ & dormir, à manger/ dormir/ & boyre, & dormir/ boyre/ & manger. Tousiours se vaultroyt par les fanges, se mascaroyt le nez, se chaffouroyt le visage. Et aculoyt ses souliers & baisloit souvent aux mousches & couroyt voulentiers après les parpaillons, desquelz son père tenoyt l'empire. Il pissoyt sus ses souliers, il chyoit en sa chemise, il morvoyt dedans sa soupe. Et patrouilloit par tout. Les petitz chiens de son père mangeoyent en son escuelle. Luy de mesmes mengeoit avecques eulx: Ils luy leschoyent les badigoinces. Et sabez quey hillotz, que mau de pie vous vyre, ce petit paillard tousiours tastonnoyt ses gouvernantes cen dessus dessoubz, cen devant derrière, harry bourriquet: et desià commenczoit exercer sa braguette. Laquelle en chascun iour ses gouvernantes ornoyent de beaux boucques, de beaux rubans, de belles fleurs, de beaux flocquars: & passoyent leur temps à la fayre revenir entre leurs mains, comme la paste dedans la met. Puys s'esclaffoyent de ryre quant elle levoyt les aureilles, comme si le ieu leur eust pleu. L'une la nommoit ma petite dille, l'aultre ma pine, l'aultre ma branche de coural, l'aultre mon bondon, mon bouchon, mon vibrequin, mon possouer, ma terière, ma petite andouille vermeille, ma petite couille bredouille. Elle est à moy disoyt l'une. C'est la mienne, disoyt l'aultre. Moy, (disoyt l'aultre) n'y auray ie rien: par ma say ie la couperay doncques. Ha couper, (disoyt l'aultre) vous luy feriez mal ma dame, coupez vous la choses aux enfans? Et pour s'esbatre comme les petitz enfans de nostre pays luy feirent un beau virollet des aesles d'un moulin à vent de Myrebalais.

Limpide non ?... et bravo à celles et ceux qui ont lu jusqu'au bout !.... :)

*/*